1.1                    Ова правно известување (овие Услови) важат за целокупната содржина на нашата веб-локација samsung-climatesolutions.com (Веб-локација).

1.2                    Овие Услови ги издава, и оваа Веб-локација ја обезбедува Samsung Electronics Air Conditioner Europe B.V. (SEACE), компанија основана во Холандија со регистерски број 67060269 (ДДВ број: NL856813230B01) со регистрирано седиште на Evert van de Beekstraat 310, 1118 CX Schiphol во Холандија. Сите упатувања на ние, нас и наши се упатувања на SEACE. Може да нѐ контактирате на  climate.partners@samsung.com.

1.3                    Овие Услови претставуваат обврзувачки правен договор помеѓу SEACE и вас. Внимателно прочитајте ги овие Услови пред да ја користите нашата Веб-локација. Со користење на нашата Веб-локација ги прифаќате овие Услови. Ако не ги прифаќате овие Услови, не користете ја нашата Веб-локација. Може да ги ревидираме овие Услови по наше сопствено и апсолутно убедување одвреме-навреме. Затоа, треба повремено да ја посетувате нашата Веб-локација за да ги прегледате овие Услови. 

2.1                    Дозволено ви е да печатите и да преземате извадоци од нашата Веб-локација за ваша лична, некомерцијална употреба на следнава основа: (а) ниедни документи или сродни графички елементи на нашата Веб-локација не се менуваат на никаков начин; (б) ниедна графика на нашата Веб-локација не се користи одделно од соодветниот текст и (в) нашите известувања за авторски права и трговски марки и одредбите од оваа клаузула 2 се појавуваат во сите копии.

2.2                    Освен ако не е поинаку наведено, авторските права, трговските марки, правата на базата на податоци и другите права на интелектуална сопственост во целокупниот софтвер, изворниот код и други содржини и материјал на нашата Веб-локација (вклучувајќи, без ограничување, фотографии и графички слики) се сопственички права во наша сопственост или во сопственост на нашите даватели на лиценца. За целите на овие Услови, се забранува секаква употреба на извадоци од нашата Веб-локација, освен во согласност со клаузулата 2.1 погоре, за каква било цел. Ако прекршите некој од овие Услови, вашата дозвола за користење на нашата Веб-локација автоматски ќе биде прекината и мора веднаш да ги уништите сите преземени или испечатени извадоци од нашата Веб-локација. Сите права што не се изречно дадени во овие Услови се задржани.

2.3                    Во согласност со клаузулата 2.1 погоре, ниту еден дел од нашата Веб-локација не смее да се репродуцира или да се складира на која било друга веб-локација или да се вклучи во кој било јавен или приватен електронски систем или услуга за пребарување, без наша претходна писмена дозвола.

2.4                    Нашата Веб-локација не смее да се користи во врска со каква било комерцијална цел, освен оние што се поддржани или одобрени од нас. Ние ќе преземеме соодветна законска постапка за каква било незаконска или неовластена употреба на нашата Веб-локација. 

3.1 Информациите за тоа како ги обработуваме личните податоци во врска со нашата Веб-локација се содржани во нашето Известување за приватност кое може да се најде во подножјето на нашата Веб-локација.

3.2 Информациите за тоа како користиме колачиња и слични технологии на нашата Веб-локација се содржани во нашето Известување за колачиња кое може да се најде во подножјето на нашата Веб-локација. 

4.1                    Забрането ви е да објавувате или пренесувате на или од нашата Веб-локација секаков материјал: (a) што е заканувачки, клеветнички, вулгарен, непристоен, бунтoвен, навредлив, порнографски, погрден, што може да поттикне расна омраза, дискриминаторски, скандалозен, провокативен, богохулен, што нарушува доверба, што нарушува приватност или што може да предизвика вознемиреност или непријатност; или (б) за кој не сте ги добиле сите потребни лиценци и/или одобренија; или (в) што претставува или охрабрува однесување што би се сметало за кривично дело, што предизвикува граѓанска одговорност или на друг начин е во спротивност со законот или ги повредува правата на која било трета страна, во која било земја во светот; или (г) што е технички штетно (вклучувајќи, без ограничување, компјутерски вируси, логички бомби, тројански коњи, црви, штетни компоненти, оштетени податоци или друг злонамерен софтвер или штетни податоци).

4.2                    Целосно ќе соработуваме со сите органи за спроведување на законот или ќе постапуваме по судски налог со кој се бара или нè упатува да го откриеме идентитетот или да лоцираме некој што објавува материјал што ја прекршува клаузулата 4.1 погоре. 

5.1                    Врските до веб-локации на трети страни на нашата Веб-локација се обезбедени само за вас. Ние не сме ги прегледале сите овие веб-локации на трети страни и не ги контролираме и не сме одговорни за овие веб-локации или нивната содржина или достапност. Затоа, не ги одобруваме и не даваме никакви изјави за нив или за кој било материјал што се наоѓа таму или за какви било резултати што може да се добијат од нивното користење. Ако одлучите да пристапите до која било веб-локација од трета страна што е поврзана со нашата Веб-локација, тоа го правите целосно на сопствен ризик. 

6.1                    Ние нeа гарантираме, изјавуваме или тврдиме дека вашето користење на нашата Веб-локација ќе биде непрекинато или без грешки. Иако се трудиме нашата Веб-локација да биде достапна 24 часа на ден, нема да бидеме одговорни ако поради која било причина нашата Веб-локација е недостапна во кое било време или во кој било период. Пристапот до нашата Веб-локација може привремено да биде прекинат и без известување во случај на системски дефект, одржување или поправка или поради причини што не се во наша контрола.

6.2                    Во согласност со клаузулата 6.5, материјалите на нашата Веб-локација се поставени какви што се, без никакви услови, гаранции или други услови од кој било вид. Според тоа, до максималниот степен дозволен со закон, ние ви ја обезбедуваме нашата Веб-локација врз основа на тоа што ги исклучуваме сите изјави, услови и други правила и изречно се оградуваме од каква било гаранција од кој било вид, изречна или што се подразбира, вклучувајќи ги и сите имплицитни гаранции за задоволителен квалитет, соодветност за одредена цел, соодветност, доверливост, навременост, точност, комплетност, безбедност, право на сопственост и непрекршување кои, освен за овие Услови, може да важат за нашата Веб-локација.

6.3                    Ние не изјавуваме или гарантираме дека нашата Веб-локација нема да претрпи загуба, напад, вируси, интерференции, хакирање или друг безбедносен упад и се оградуваме од секаква одговорност во врска со тоа. Вие самите сте одговорни за обезбедување на вашиот систем и ако користењето материјали на нашата Веб-локација резултира со потреба од сервисирање, поправка или корекција на опремата, софтверот или податоците, вие ги сносите трошоците за тоа.

6.4                    Можеме да направиме промени на материјалите на нашата Веб-локација или на производите и сите цени дадени таму, во секое време без претходна најава. Материјалот на нашата Веб-локација може да биде застарен и ние не се обврзуваме да го ажурираме.

6.5                    Ништо во овие Услови нема да ја исклучи или ограничи нашата одговорност за смрт или лична повреда предизвикана од небрежност, измама, лажно претставување во однос на фундаментално прашање или која било друга одговорност која според важечкиот закон не може да биде исклучена или ограничена. Ако сте потрошувач, вашите законски права не се засегнати.

6.6                    Ако не сте задоволни од кој било дел на нашата Веб-локација или од овие Услови, веднаш прекинете да ја користите Веб-локацијата и контактирајте нѐ на  climate.partners@samsung.com.

7.1                    Ако сте деловен корисник, со користење на нашата Веб-локација се согласувате да нѐ обесштетите и да не ослободите од одговорност нас и нашите директори, службеници, вработени, партнери, застапници, изведувачи и даватели на лиценца во врска со кои било барања што произлегуваат од вашето прекршување на овие Услови, од вашето користење на нашата Веб-локација, секоја постапка преземена од нас како дел од нашата истрага за можно прекршување на овие Услови или како резултат на нашите наоди или одлука дека имало прекршување на овие Услови.

8.1                    Ниту едно неискористување или какво било доцнење во остварувањето на кое било право според овие Услови нема да го наруши или да функционира како откажување од него, целосно или делумно. Ниту едно единствено или делумно остварување на кое било право според овие Услови нема да го спречи секое понатамошно или друго нивно остварување или остварување на кое било друго право.

8.2                    Не смеете да доделувате или да префрлите ниту едно од вашите права или обврски според овие Услови, освен ако не се договориме за тоа во писмена форма. Вие се согласувате дека можеме да склучиме поддоговор за извршување на која било од нашите обврски или дека може да ги доделиме сите или дел од овие Услови или кои било од нашите права или обврски наведени овде без да ве известиме.

8.3                    Доколку се утврди дека некој дел од овие Услови е правно неважечки или неспроведлив, тогаш неважечката или неприменлива одредба ќе се смета за заменета со важечка, применлива одредба што најмногу се совпаѓа со намерата на првичната одредба, а остатокот од овие Услови ќе продолжи да важи.

8.4                    Овие Услови се само помеѓу вас и нас и се регулирани и ќе се толкуваат во согласност со законите на Холандија. Меѓутоа, ако сте потрошувач, ќе ги задржите придобивките од секоја задолжителна заштита што ви е дадена со законите на земјата во која живеете. Сите спорови што произлегуваат во врска со овие Услови ќе бидат предмет на ексклузивната јурисдикција на холандските судови или (ако сте потрошувач) во судовите на земјата каде што живеете.